Энгэр задгай нүцгэн байхыг минь
Ичингүйрч догдлолгүй сайн хараарай
Энэхэн биеэ чамдаа л харуулах гэж
Ээжий минь намайг сайхан төрүүлсэн юм.
Оддын ирмэхийг, сарны аяаглахыг анзааралгүй
Ойртож ирээд намайгаа хараарай
Онгон биеэ чамдаа л харуулах гэж
Орчлонд би үзэсгэлэн гоо төрсөн юм.
Асгарсан хархан гэзэгнээс өөр гоёлгүй
Ангир цээжийг минь энхрийлэн хараарай
Хайртынхаа харцанд үзэсгэлэнтэй болог гэж
Хатан дэлхий намайг бүсгүй хүн болгосон юм.
No comments:
Post a Comment